كتبت أمل حبيب على حسابها الشخصي على موقع فيسبوك:

القهر إنه تيجي ليلة الـ 27 من رمضان للسنة الثانية على التوالي ومساجدنا بغزة ركام!

متخيلين إنّا نسمع "صلّوا في رحالكم" لرمضان الثاني من العدوان على غزة!

متخيلين فش دوشة صغار بسابقوا الكبار عشان إحياء ليلة القدر بالمساجد!

متخيلين فش بني آدم بشوارع غزة هلأ، فش ضواي، فش فانوس كبير ع مدخل الحارة!

فش سحور جماعي، ولا شباب بتحضّر الفول والحمص وكيس صغير فيه خيارة وتفاحة عشان يوزعوهم على المعتكفين!

طيب بتعرفوا شو القهر؟، القهر إنك تلف ركام المساجد بشادر وقماش وتجهّزها لرمضان، وإنت راضي مرضي، تقوم ترجع النار فوق راسنا، النار حوالينا، تحرق قلبك، تحرق شادر المساجد، تنحرم من الصلاة جماعة حتى فوق الركام!

#تفاصيل