شاركت صفحة "الجزيرة مصر" على موقع فيسبوك، مقطع فيديو ساخر لصانع المحتوى الفلسطيني سامر العامودي، الشهير باسم "أبو سمير عوامة" يسخر خلاله من الأحزمة النارية التي تتعرض لها محافظة خان يونس، مصحوبة بتعليق:

بأسلوب ساخر.. فلسطيني يصف الحياة تحت الأحزمة النارية وقصف الاحتلال

نص محتوى الفيديو

الله يسعد مساكم

طبعًا حزام ناري قبل قليل يا إخوانا، يعني هز الدار هز.

طبعا احنا في خان يونس أول الحرب، يعني بلشنا إلنا يومين بس نسمع الحزامات النارية، فقررت بما إني ناشط على السوشيال ميديا، أسأل شباب زملائي في الشمال، كيف كنتوا تتعاملوا مع الحزام الناري؟ يعني شو كنتوا تسوا؟ 

فقالوا لي يا أبو سمير اسمع تا نقولك: الحزام الناري عبارة عن عدة غارات في عدة ثواني، ورا بعض، يعني ممكن سبعة تمانية تسعة ورا بعض خبط، وبتلاقي الدار بترج رج، وانت بتبقي تتفطفط تفطفط.

 قلت له: آه.. ايش يعني نسوي؟ وين نشرد؟ وين نروح؟

قالوا لي: لا.. في الحزام الناري بيختلف عن القصف اللي لحاله، في الحزام الناري مفش شرود، لا انت بتقعد مكانك وبتغمض عينيك وبتتشاهد واستقبل القبلة.

بعد ما يروح الصوت.. بتفتح عينيك، إذا لقيت حالك بتتحرك.. لقد نجوت، لقيت حالك بتتحركش.. ايه خلص يبقى شوية وهتبدأ يسألوك من ربك؟ ما دينك؟ ماذا تقول؟ فبقى الله يرحمك، يدفنوا ويلفوا.

يا إخوانا حزامات نارية طقع، تقول مغلولين باقيين، وندمانين إنهم عطونا هدنة، هادي مش هدنة.. هادي تنهيدة، بلشوا ضرب من فوق الحزام ومن تحت الحزام، ع أبو ذنينا.. ع أبو ذنينا.

شعارنا على وين الدرب مودينا، حزام ناري على القبر ولا مهججنا على سينا، قاعدين في خان يونس ويا ويل اللي عادينا، قاعدين ويا ويل اللي عادينا، يا ويلي علينا يا ويلي علينا، تقلقوش وما تخافوش، هي موتة واحدة.